Satisfacción plena no técnico, Miguel Ángel Tena trala vitoria ante a Ponferradina grazas “a unha primeira parte perfecta en todos os sentidos.” O adestrador non quixo deixar de elogiar aos seus xogadores tras lograr, por primeira vez na tempada, tres vitorias consecutivas: “Ten moito mérito e quero darlle as grazas ao plantel. Non hai máis orgullo que ver que o sacrificio e o traballo están sacando resultados.” Para Tena a clave é que cada día o equipo vai mellorando en todos os aspectos e unha vez logrado o obxectivo da permanencia “imos pelexar polos postos de Copa porque tamén é moi importante para o club.”