Texto: Manu Amor
Campións ao grande. O equipo conseguiu o título do grupo I de Terceira División logo de derrotar ao Racing Villalbés (2-1). Fer Beltrán, con dous goles, correspondeu o magnífico ambiente creado na Malata. O estadio presentou a mellor entrada da tempada no último partido de Liga: a comuñón entre afección e persoal, patente, serviu para presenciar unha celebración chea de sorrisos.
O conxunto chairego, pese a todo, non puxo a tarefa fácil no primeiro tempo. Armado cun férreo 5-3-2, a súa muralla defensiva dificultó as chegadas ao área. Aínda así, o equipo dispuxo de ocasións suficientes como para abrir o marcador antes do descanso. Muíña, central visitante, estivo a piques de introducir na súa portería un mal despexe no minuto cinco; Juan Antonio, Pau Bosch e Joselu, un despois, gozaron dunha tripla oportunidade para superar a Duarte.
O Villalbés avisou nun man a man de Denis con Diego Rivas que atrapou o porteiro, pero non se asomou máis á meta defendida polo naronés. Os nosos, en cambio, si dispuxeron de aproximaciones, como un remate de Pau Bosch desde o interior do área que pegou no larguero. Juan Antonio intentouno cun lanzamento de falta, e Fer Beltrán cun golpeo morno que detivo o porteiro.
Tralo descanso, o equipo si atopou o camiño cara á rede. Fer Beltrán e Juan Antonio, de cabeza, avisaron antes de que chegase o 1-0. Conseguiuno o propio Fer, logo dunha gran xogada pola banda dereita: pase en profundidade de Seoane, centro atrás de Armental e remate do mediocentro ferrolano directo á escuadra. Pouco despois, no 69′, Beltrán asinou o seu particular doblete ao remachar un remate de cabeza de Garrido á saída dun saque de esquina.
O Villalbés, correoso, non se rendeu. Un penalti cometido por Garrido sobre Diego Rei serviu para que José Varela engadise emoción ao encontro. Juan Antonio, xusto despois, tivo nas súas botas a posibilidade de sentenciar. O equipo defendeuse ben, apenas pasou apuros e celebrou un campionato conseguido con total xustiza: ninguén gañou tantos partidos e perdido tan poucos como o grupo dirixido por Emilio Larraz. Este domingo, último duelo en Ribadumia (18:00) antes de afrontar a fase de ascenso como primeiros de grupo.
Ficha técnica:
Racing de Ferrol: Diego Rivas; Seoane, Quique Fornos, Garrido, Villarejo; Pau Bosch, Moreira; Armental (Marcos Álvarez, min. 88), Fer Beltrán (Borja Hernández, min. 77), Joselu (Javi Sanmartín, min. 92); e Juan Antonio.
Racing Villalbés: Duarte; López, Muíña, Santi Taboada, Xusto, Buyo; José Varela, Vérez (Arón, min. 71), Villares; Denis (Anxo, min. 58) e Diego Rey (Juan de Dora, min. 77).
Árbitro: González González (Ourense). Amonestó con tarxeta amarela o xogardor local Quique Fornos e os visitantes Vérez e Denis.
Goles: 1-0 Fernando (min. 56). 2-0 Fernando (min. 68). 2-1 José Varela, de penalti (min. 75).