Proveitosa xornada para as categorías de formación

Bertamiráns-Racing Club Ferrol (1-3)

Liga Nacional Xuvenil

Cómoda vitoria da nosa formación xuvenil A na segunda xornada da Liga Nacional da categoría. Os pupilos de Nacho García derrotaron ao Bertamiráns (1-3) nunha contenda na que foron moi superiores. A formación ferrolana tivo o partido controlado en todo momento, pero non foi ata a segunda parte cando traduciu o seu mellor facer en goles. Dúas dianas practicamente consecutivas permitíronlle encauzar a contenda e levar os tres puntos. Segunda vitoria consecutiva deste Racing que comezou o campionato transmitindo moi boas sensacións e que agora se prepara para a visita do Deportivo.

Racing Club Ferrol-Racing Club Villalbés (0-0)

Preferente Futgal Xuvenil

A falta de acerto de cara á meta rival lastrou ao xuvenil B no arranque da competición de Preferente Futgal, que o mediu en casa ao Racing Villalbés. A contenda saldouse co empate a cero inicial despois de noventa minutos moi disputados, dun xogo moi físico e no que os ferroláns foron de menos a máis. A escadra racinguista tivo oportunidade para romper o partido grazas a varias achegamentos de gran perigo que, con todo, foi incapaz de materializar. Aínda así, moi bo punto de partida sobre o que continuar traballando.

Galicia de Caranza-Racing Club Ferrol (1-2)

Preferente Futgal Cadete

Entre os partidos máis interesantes do fin de semana figuraba un derbi local ante o Galicia de Caranza co que o equipo cadete A iniciaba a competición na Preferente Futgal. Unha contenda de máxima rivalidade que se disputou nun clima de deportividade exquisita e que finalmente se decantou para a formación verde por 1-2. Os racinguistas adiantáronse no marcador na primeira parte e foron capaces de ampliar a súa renda xusto no arranque da segunda metade. A falta de 20 minutos para o final, o Galicia de Caranza recortou distancias e, a partir de aí, o partido rompeuse sen un dominador claro. Os visitantes puideron sentenciar á contra, pero finalmente o marcador xa non se moveu máis.

Racing Club Ferrol-Orillamar (3-2)

Primeira Futgal Cadete

En Primeira Futgal, o noso equipo cadete B arrincou o campionato gañando como local ao  (3-2). Aínda que o seu adversario adiantouse no marcador, o conxunto ferrolano soubo reaccionar e, con moita paciencia, manexou moi ben o balón para darlle a volta ao partido e pórse cun claro 3-1 co que encarrilou o choque.

Racing Club Ferrol-CD Lugo (2-1)

División de Honra Infantil

Bo debut do Infantil A na División de Honra. A estrea na categoría foi moi proveitosa e non só pola vitoria en casa ante o CD Lugo (2-1), senón porque deixou moi boas sensacións e imaxe. Os ferroláns viron como o seu rival se adiantaba no marcador, pero souberon encaixar esta circunstancia e pouco a pouco, gañaron en solidez. Antes do descanso lograron o empate e na segunda parte anotaron unha nova diana que deixou o duelo resolto.

Santa Cruz-Racing Club Ferrol (1-1)

Primeira Futgal Infantil

O outro equipo infantil masculino do club, que compite en 1ª Futgal, solventou cun empate a súa visita ao Santa Cruz na segunda xornada de liga. O conxunto ferrolano adiantouse na primeira parte. Encaixou ben o empate do seu oponente e manexouse de forma acertada nun partido moi físico, pero non puido materializar ningunha das ocasións que tivo na segunda parte, o que o afastou da vitoria.