O martes poñeranse á venda as entradas para a bancada visitante de El Sardinero.
A venda comezará de forma preferente para abonados
O Racing Club Ferrol pon á venda o martes, a partir das dez da mañá, as entradas que o Real Racing Club lle facilitou para a grada visitante, de cara ao partido que se disputará o domingo 19 ás 16.15 horas en El Sardinero. A entidade cántabra asignou 210 entradas das que reservamos 60 para os nosos grupos de animación e 150 para a venda. Esta venda farase de forma preferente para abonados do club.
As entradas, que teñen un prezo de 20€, son físicas, polo que só poderán adquirirse nas oficinas do club, no campo de A Malata. Ademais, tamén son nominativas, así que deberá aportarse o DNI das persoas que acudan ao encontro.
Os abonados do club poderán adquirir de forma preferente as entradas, ata esgotar existencias, o martes e mércores. Cada persoa poderá mercar un máximo de catro localidades, sempre para abonados, aportando outros tantos DNI.
Se aínda quedan entradas á venda, o xoves, ata as 17.00 horas, dispensaranse ao público en xeral.
No caso de que este paquete de 210 entradas se esgoten, cabería a posibilidade de que o Real Racing Club puxese á disposición dos afeccionados ferroláns outras 200 localidades a OUTRO prezo.