O Racing Club Ferrol visita ao FC Cartagena con ánimos renovados
O cadro ferrolán conta con seis baixas para afrontar a contenda
Tras embosalrnos a pasada semana ante o Elche a primeira vitoria do campionato, o Racing Club Ferrol afronta con ánimos renovados a súa visita desta semana a Cartagena, onde mañá, ás 16.15 horas, medirase no estadio de Cartagonova ao Efesé como parte da 9ª xornada de LALIGA Hypermotion.
Un duelo ante un rival directo na loita por saír da zona baixa da táboa para o que Cristóbal Parralo contará coas ausencias dos lesionados Eric, Aitor Buñuel, Nacho, Brais Martínez e Luis Perea. A eles suma a baixa de Bebé, convocado coa selección de Cabo Verde para a disputa de dous encontros clasificatorios para a Copa Africana de Nacións 2025.
O FC Cartagena afronta o seu terceiro partido na "era Jandro", cuxa chegada supuxo un acicate nun equipo. Os internacionais Pablo Cuñat, Sipcic e Vukcovic serán baixa nas filas locais, así como o lesionado Gonzalo Verdú. Polo contrario, Jandro Castro recupera a Damian Musto, tras cumprir un partido de sanción, e a Hugo González, que se reintegrou ao grupo tras a súa lesión.
Cerca de setenta afeccionados racinguistas confirmaron a súa presenza na grada de Cartagonova.