Reserva de entradas para o partido en Cartagonova
O proceso de compra completarase o propio día do partido nas taquillas do estadio.
O Racing Club Ferrol xestiona a reserva de entradas para a grada visitante no estadio de Cartagonova, de cara ao partido que o sábado, ás 16.15, disputaremos na localidade murciana ante o FC Cartagena. Neste caso, as localidades non se adquirirán previamente, senón que se tramitará só a reserva das mesmas e os afeccionados deberán completar a compra, o mesmo día do partido, nas taquillas do estadio a partir das 14.30 horas. A reserva poderá realizarse ata o venres ás 14.00 horas de forma presencial nas oficinas de A Malata, telefonicamente -981 32 33 00- ou a través do correo electrónico -marcosmartin@racingclubferrol.net-. Os interesados deberán aportar o nome completo e o DNI. O prezo das localidades é de 20€.