Rober Correa reforza a zaga do Racing Club Ferrol
O futbolista pode actuar tanto de central como de lateral dereito.
Rober Correa (Badajoz, 29 de setembro de 1992) vestirá esta tempada a camisola do Racing Club Ferrol. O futbolista, que pode actuar tanto de central como de lateral dereito, porase inmediatamente ás ordes de Cristóbal Parralo.
Formado nas categorías de base do Rayo Vallecano, co que estreouse na Primeira División, o carrilleiro pasou con posterioridade polas filas do RCD Espanyol, Elche e Cádiz antes de recalar na SD Eibar, na que militou nas últimas cinco tempadas.
Rober Correa disputou un total de 165 partidos no fútbol profesional. A súa polivalencia permitiranos reforzar dúas posicións nas que os problemas físicos de Erick e David Castro, así como do recentemente lesionado Aitor Buñuel, deixaran ao equipo momentaneamente descompensado.
