O defensa serbio Aleksa Puric, novo xogador do Racing Club Ferrol

O Racing Club Ferrol fixo a incorporación do defensa serbio Aleksa Puric (Sabac, 07/07/2003). O xogador ocupa a posición de central diestro e destaca pola súa envergadura (1,96 metros de altura) e contundencia.

O xoven futbolista formouse nas categorías de base do Partizan de Belgrado. Tamén pasou polo Teleoptik serbio antes de chegar o pasado exercicio ao Doxa Katokopias, da Primeira División de Chipre. No equipo chipriota xogou 31 partidos o pasado campionato de liga, acumulando un total de 2.536 minutos nos que marcou un gol.

Dobrodosao, Aleksa