Información sobre as entradas adquiridas para o Racing Club Ferrol-Burgos CF
Os afeccionados xa poden solicitar a devolución das entradas.
Ante o adialamento do partido entre o Racing Club Ferrol e o Burgos CF que debería terse disputado o domingo en A Malata, o Racing Club Ferrol comunica:
- As entradas adquiridas non terán validez para a nova data na que se determine a celebración do partido.
- O Racing Club Ferrol reembolsará o importe da entrada a todas aquelas persoas afectadas polo adialamento. O reembolso realizarase segundo os seguintes supostos:
- Afección visitante: As persoas que mercasen a súa entrada para a grada visitante xestionada polo Burgos CF deben poñerse en contacto co club castelán-leonés para o reembolso do diñeiro.
- Compra física: As persoas que adquirisen a súa entrada en A Malata, deberán pasar polas oficinas do club. O importe da entrada devolveráselles de forma inmediata polo mesmo método de pago empregado na compra. Deben presentar a entrada física.
- Compra en liña: O portal Compra la Entrada reembolsará de forma automática o importe nun prazo máximo de 48 horas.