Venta de entradas para o partido ante o Levante UD no Ciutat de València
As localidades serán enviadas polo Levante UD por correo electrónico
Xa están á venta as entradas para a grada visitante de cara ao partido que o Racing Club Ferrol disputará o próximo luns 3 de febreiro, ás 20.30 horas, no Ciutat de Valencia ante o Levante UD.
As persoas interesadas en adquirir algunha das 235 entradas asignadas polo club valenciano pódense poñer en contacto co Racing a través do correo electrónico marcosmartin@racingclubferrol.net ou no teléfono 981 323 300.
O prezo das localidades é de 20€, que deberán ser aboados no momento da compra. Os interesados poderán realizar a xestión antes do xoves ás 13.00 horas, presentando o seu DNI e aportando un correo electrónico.
Con posterioridade, o Levante UD enviará a entrada a cada afeccionado.