PROBAS MÉDICAS E FÍSICAS NO ARRANQUE DA PRETEMPADA
Os xogadores que xa estaban no club o ano pasado sometéronse a probas médicas e biométricas. Mañá farano as novas incorporacións.
A campaña 2024/25 comezou oficialmente para o Racing Club Ferrol. Esta mañá deuse o pistoletazo de saída á pretempada cos controis médicos e biométricos aos que se someteron os integrantes da plantilla que xa vistiron a elástica verde a pasada tempada.
As probas realizaronse no Hospital Ribera Juan Cardona e no campo de A Malata baixo a supervisión dos servizos médicos do club e o corpo técnico, que se reencontrou con Emilio Bernad, David Castro, Julián Delmás, Moi Delgado, Josep Señé, Fran Manzanara, Nacho Sánchez, Brais Martínez e Álvaro Giménez.
Mañá, no mesmo escenario, será o turno das novas incorporacións: Álex López, Jesús Ruiz, Yoel Rodríguez, Chiki, Álvaro Sanz, Aleksa Puric e Aitor Buñuel, que vivirán as súas primeiras horas como racinguistas.
A todos eles súmase o xuvenil David Carballo, que realizará a pretempada co equipo.
Tanto uns como outros reencontraranse o luns, ás 10.30 horas, no campo de A Gándara, para a primeira sesión de adestramento desta campaña. Os xogadores traballarán toda a semana -en algunhas xornadas en dobre sesión, mañá e tarde- ata o domingo, que disfrutarán da súa primeira xornada de descanso.
Aínda que irán sumándose partidos nos próximos días, por de momento, temos confirmados xa catro encontros para esta pretempada:
20 xullo | 19.00 horas | A Pedreira | Galicia de Mugardos-Racing Club Ferrol
24 xullo | 20.15 horas | Río Seco | Bergantiños-Racing Club Ferrol
27 xullo | 20.00 horas | O Couto | Ourense CF-Racing Club Ferrol
1 agosto | por determinar | Cantarrana | R. Madrid Castilla-Racing Club Ferrol