Naïm García reforza o ataque racinguista
O futbolista chega cedido desde o CD Leganés ata o final da tempada
Naïm García García (Madrid, 11/08/2002) incorpórase á disciplina do Racing Club Ferrol ata final de tempada. O futbolista, que chega en calidade de cedido desde o CD Leganés, ocupa a demarcación de extremo. Aínda que é zurdo, pode xogar en ambas as bandas. Con buen regate e disparo, chega para reforzar o ataque da escadra verde.
Formado nas categorías de base do Real Madrid, Naïm recalou na tempada 21/22 no CD Leganés, onde desenvolveu o grosso da súa carreira con breves cesións na Ponferradina e no Barcelona Athletic.
A pesar de ter tan só 22 anos, o futbolista conta con experiencia en LALIGA Hypermotion, na que disputou 65 partidos, con 2.284 minutos; e nos que anotou catro goles.
A tempada pasada, como membro do filial barcelonista, no que recalou na segunda volta para disputar o campionato de 1ª RFEF, Naïm García interveu en 16 partidos (1.242 minutos) e anotou 4 tantos.